Stipendium Hungaricum
Vengriya hukumatining eng nufuzli granti: bepul o‘qish, oylik stipendiya, yotoqxona va tibbiy sug‘urta.
- Muassasa
- Vengriya hukumati granti
- Mamlakat
- Vengriya · Budapesht va boshqa shaharlar
- Bosqich
- Bakalavr · Magistratura · Doktorantura
- Qabul davri
- 2027/2028 o‘quv yili
- Oxirgi muddat
- 2027-yil 15-yanvar
2027/2028 o‘quv yili uchun arizalar 2027-yil 15-yanvargacha qabul qilinadi. Topshirishdan oldin muddatni rasmiy saytdan ham tekshirib oling.
Stipendium Hungaricum
Stipendium Hungaricum 2013-yilda Vengriya hukumati tomonidan tashkil etilgan. Dasturni Tashqi ishlar vazirligi nazorat qiladi, Tempus Public Foundation boshqaradi.
Grant Vengriya va yuboruvchi davlatlar o‘rtasidagi ikki tomonlama ta’lim kelishuvlariga asoslanadi. Barcha bosqichlarda 900 ga yaqin to‘liq daraja dasturi taklif qilinadi.
Grant nimalarni beradi
Bepul o‘qish
KafolatlanganO‘qish to‘lovidan to‘liq ozod qilinadi.
Oylik stipendiya
KafolatlanganBakalavr va magistraturada oyiga 43 700 HUF (taxminan 110 EUR), yiliga 12 oy. Doktoranturada 140 000 HUF, ikkinchi bosqichda 180 000 HUF.
Turar joy
KafolatlanganBepul yotoqxona yoki ijara uchun oyiga 40 000 HUF (taxminan 100 EUR) yordam.
Tibbiy sug‘urta
KafolatlanganVengriya qonunchiligi bo‘yicha tibbiy xizmat va yiliga 65 000 HUF gacha qo‘shimcha sug‘urta.
MuhimRasmiy sayt ogohlantiradi: bu to‘lovlar yashash xarajatlariga yordam, xolos. Ular barcha xarajatni to‘liq qoplamaydi, ayniqsa Budapeshtda. O‘z mablag‘ingiz ham kerak bo‘ladi.
Kimlar topshira oladi
- Vengriya bilan ta’lim kelishuvi bor yuboruvchi davlat fuqarolari. O‘zbekiston shu davlatlar qatorida.
- Yuboruvchi davlatning mas’ul tashkiloti tomonidan nomzod sifatida ko‘rsatilish.
- Bakalavr uchun o‘rta ma’lumot, magistratura uchun bakalavr diplomi, doktorantura uchun magistr diplomi.
- Tanlangan dastur tilini bilish va uni tasdiqlovchi hujjat.
- Vengriya fuqarolari va ilgari shu bosqichda grant olganlar topshira olmaydi.
Kerakli hujjatlar
- Onlayn ariza shakli
- Motivatsion xat
- Til bilimini tasdiqlovchi hujjat
- Attestat yoki diplom va ularning tarjimasi
- Baholar ko‘chirmasi (transkript)
- Belgilangan shakldagi tibbiy ma’lumotnoma
- Pasport nusxasi
- Imzolangan ariza bayonoti
- Doktorantura uchun: tadqiqot rejasi va ikkita tavsiyanoma
Topshirish tartibi
- Study Finder orqali dastur va universitetni tanlang.
- Tempus Public Foundation onlayn tizimida ro‘yxatdan o‘tib, ariza va hujjatlarni yuklang.
- Yuboruvchi davlat tashkilotiga ham topshiring: nomzodlik shu yerda hal bo‘ladi.
- Universitetning kirish sinovi yoki suhbatidan o‘ting.
- Natijani kuting, so‘ng viza uchun topshiring.
Rasmiy manbadan tekshirilgan sana: 2026-yil 10-noyabr. Rasmiy sayt
Qabul qiluvchi universitetlar
University of Debrecen
Debretsen
University of Szeged
Seged
University of Pécs
Pech
Eötvös Loránd University (ELTE)
Budapesht
Budapest University of Technology and Economics (BME)
Budapesht
Corvinus University of Budapest
Budapesht
Semmelweis University
Budapesht
Óbuda University
Budapesht
University of Miskolc
Mishkolts
Széchenyi István University
Dyor
Hungarian University of Agriculture and Life Sciences (MATE)
Gyodyollyo
Bu grantga birga tayyorlanamiz
So‘rov qoldiring, konsultant siz bilan bog‘lanadi. Tezroq javob kerak bo‘lsa, Telegramda yozing.